काठमाडौँ । जिल्ला समन्वय समिति दोलखाको निर्वाचन आगामी असार १ गते हुने भएको छ । दोलखाको मुख्य निर्वाचन अधिकृतको कार्यालयले असार १ गते जिल्ला समन्वय समितिको निर्वाचन गर्ने कार्यतालिका सार्वजनिक गरेसँगै निर्वाचन हुन लागेको हो ।
जेठ २४ गते मुख्य निर्वाचन अधिकृतको कार्यालयले नामावली प्रकाशन गर्ने, २६ गते नामावली सच्याउन संशोधन गर्ने, २७ गते मतदाताको नामावलीमा उजुरी दिने तथा अन्तिम नामावली प्रकाशन गर्ने, २८ गते मनोनयन दर्ता, २९ गते उम्मेदावारकोविरुद्ध दाबी विरोध गर्ने र ३० गते उम्मेवारलाई चिह्न प्रदान गरी असार १ गते निर्वाचन गर्ने कार्यतालिका सार्वजनिक गरेको छ ।
जिल्लामा ७ गाउँपालिका र २ नगरपालिका गरी ९ स्थानीय तहका १८ प्रमुख उपप्रमुखमध्ये कुनैपनि राजनीतिक दलको एकल बहुमत छैन । एकल बहुमत नभएपछि राजनीतिक दलका बीचमा गठबन्धन गरी समन्वय समितिको निर्वाचन हुने भएको छ । समन्वय समितिमा कुनै पनि पार्टीको एकल बहुमत भने नरहेको निर्वाचन कार्यालयले जानकारी गराएको छ ।
Add Comment